Yoda in the house

Ey, allyuh know how in de STAR WARS movie, I forget which one, Yoda looking ol' ol' and like he ready to drop dong dead anytime? Then lo and behold, in de end ah de movie, Yoda get life like Eden, and puh dong some badass moves on de villain, and you sitting dere with yuh popcorn falling out yuh mouth cause de lil wiseass have MOVES....

Damn, dat remind me ah dis Swami. De man old, feeble, and 2 police have to carry de man in de court. He cyah talk English too eh, so I still trying to figure how de Guyanese understand de man when he tell she take off she clothes. Now, I ent saying she cyah talk Hindi, but with that accent she have, I ent think he could understand she anyway. But anyhow, back to meh point. De man so old and feeble, and like he save up 30+ years ah energy (well, he chirren over 50, so I figure he expend some energy making dem) to put dong ah wuk on this particular Guyanese gyul. So she must be a spectacular kinda woman, too bad dey ent printing ah picture for meh to have meh own share ah fantasies at least. And I mean, all dis time Guyana coulda be winning Ms World and ting if she did enter...

But anyhow, de Swami have MOVES too, and all de talk Ali G talk bout he exploits, ah sure he jealous de Swami big time.

So de Swami really a lot like Yoda, preaching wisdom and tearing up some bad ass on the side. Gosh, maybe George Lucas could cast him in de next movie to be a real challenge for Yoda.